martes, 8 de mayo de 2018

Somos noticia!

Bo día, tarde e noite a todas!
foto de Ángel Manso para La Voz de Galicia
Nos últimos meses a nosa cooperativa está a ser motivo de interese para diferentes medios de comunicación. Isto é un motivo de orgullo para nós e o noso traballo, posto que todas estas canles de difusión acercánnos a todas e todos vós. Cremos na necesidade da implicación cidadá para conseguir chegar a unha reciclaxe do aceite vexetal usado que respecte as necesidades do medio ambiente, de maneira que sexa económica e socialmente sostible.

É a través do coñecemento da historia da cooperativa de Mulleres Colleiteiras, e das mulleres que particularmente a formamos día a día, que nos gustaría chegar ás vosas casas. A nosa profesión é unha suma de pequenos esforzos, e grazas ás novas que vos contamos a continuación tentaremos contárvolas polo miúdo.

Quizais a través da entrevista que lle fixeron á nosa compa Susana Liaño na Cadena Ser poderedes coñecer un pouquiño máis. Ou pode que queirades acompañarnos na nosa ruta no programa Galicia Viva (consultade o minuto 38!). E se o preferides, tamén podedes achegarvos ás novas que nos adican en adiante.gal e na Voz de Galicia para afonda na vida diaria das socias. Todo este traballo vese reflexado tamén na nosa nominación no concurso Héroes Verdes, na que podedes votar a nosa proposta.

Para rematar, queremos darvos as grazas. Grazas porque todo este esforzo está comezando a dar os seus froitos. É así que neste último ano temos cuadriplicado a cantidade de aceite que estamos a recoller nos puntos habilitados. E isto, sen dúbida, é o mellor premio que se nos pode dar.

jueves, 8 de marzo de 2018

Celebramos o noso aniversario sumándonos á folga 8M





Boas a todas!

Hoxe, 8 de marzo, na Cooperativa Mulleres Colleiteiras estamos de celebración. Por un lado cumplimos cinco anos da nosa fundación. Son xa moitas as persoas que nos coñecedes e apoiades o noso traballo dende 2013. Para este 2018 esperamos seguir chegando ás vosas casas para contaxiarvos a necesidade de coidar o noso medio ambiente. Para iso traballamos día a día recollendo o voso aceite doméstico usado e dedicamos parte das nosas forzas á difusión desta tarefa fundamental.

Ademais, como cooperativa que persegue unha repercusión social, tamén apoiamos a folga do día de hoxe. É por iso que hoxe:

Non traballamos
Non estudamos
Non consumimos
Non coidamos

Paramos porque se as mulleres paran, párase o mundo.
Paramos para darlle voz a unha inxustiza.
Paramos para darlle visibilidade a unha opresión.
Paramos para darlle luz ao medo.
Paramos para compartir, soñar, loitar e acadar un lugar máis xusto para todas as nenas e mulleres. Un lugar mellor para todas as persoas.

Como os nosos compañeiros nesta loita, animamos tamén a tódolos homes a sumarse co seu apoio.

Vémonos nas rúas!

viernes, 29 de diciembre de 2017

Para rematar o ano... difundimos en centros educativos


Durante os últimos meses estamos a realizar charlas divulgativas por varios centros educativos de A Coruña, Oleiros e Santiago de Compostela. Durante estas sesión damos a coñecer o noso traballo, concienciando ao alumnado e ao corpo docente sobre a importancia do reciclaxe do aceite xerado nas nosas vivendas.
Esta actividade, a cal pretendemos retomar con forza e coa cal seguir mellorando as nosas capacidades comunicativas e a implicación do sector educativo do país está a ser fructífera. As máis pequenas mostran un enorme interese polo proceso, involucrándose como cidadás da responsabilidade da correcta xestión dos residuos. Isto fai que vexamos unha enorme potencialidade nas escolas e institutos, onde rapazas e rapaces asumen a tarefa do reciclaxe de aceite como unha mellora na calidade da nosa sociedade, ao perservar un ben común tan preciado como é a auga.


Con moito traballo e esforzo continuamos co proceso, incorporando todas as experiencias novas  e melloras que estamos a aprender! 

martes, 26 de diciembre de 2017

A formación, grande aliada durante as nosas difusións

Dende finais do verán, co comezo do novo ano escolar, estivémonos a preparar unha charla didáctica para ir a centros educativos onde dar información e concienciar ás máis pequenas e pequenos acerca do reciclado do aceite doméstico. Para isto, preparamos diverso material, como presentacións adaptadas ás diferentes idades, vídeos explícativos do noso traballo, carteis, etc…

Detrás de cada exposición tamén existe un traballo de formación das nosas capacidades de expresión, coas que facer chegar mellor a nosa mensaxe. Esta formación consistiu en diversos ensaios e preparación antes da posta en escea, nos cales simulamos distintas situacións. Con elo chegamos a darnos conta da importancia que ten  esta parte do noso traballo e tarefas diarias. Non soamente recollemos o aceite, senón que é moi importante reforzar as nosas habilidades comunicativas e comerciais á hora de poder explicar o que facemos e a importancia da nosa labor.

Seguimos a aprender día a día, cunha experiencia que está a ser moi enriquecedora para todas!

jueves, 21 de diciembre de 2017

Van en bikke difunden o noso traballo na cidade de A Coruña!

O pasado 6 de novembro Mulleres Colleiteiras e a empresa de mensaxería Van en Bikke comezamos a colaborar nunha iniciativa de difusión e concienciación para a cidade de A Coruña. Dende agora as mensaxeiras e mensaxeiros entregarán á xente usuaria do seu servizo embudos e folletos informativos sobre os puntos de recollida e proceso de reciclado.
imaxe recollida da noticia do diario La Opinión Coruña


Cremos na colaboración entre todas na procura dun mundo máis limpo, contribuindo a xerar economías locais e de proximidade nas que a mensaxería mediante medios de transporte eficientes sexa unha realidade. É por iso que estamos moi contentas desta nova, esperando que persoas que ata o de agora non coñecían a nosa cooperativa estén mellor informadas. 

Esta iniciativa parece ter moi boa acollida e fomos noticia fai unha tempada no diario La Opinión Coruña con unha noticia que podedes consultar aquí.

miércoles, 20 de diciembre de 2017

Seguimos coas tarefas de difusión!


Durante os últimos meses, dende Mulleres Colleiteiras téñense realizado diferentes actividades de difusión, tanto por algún dos mercados da ciudades como por algunhas das naves industriais do concello de Oleiros.

Con estas actividades buscamos informar á xente da labor que realizamos dende a cooperativa, a importancia do reciclado do aceite doméstico e damos a coñecer os puntos máis cercanos. Ademais, facilitarvos o proceso de recollida nas vosas casas, estamos a repartir uns embudos, que se poden colocar nas botellas de plástico. Con eles non ides a manchar nada!
Por se quedásedes con algunha dúbida, estamos a repartir folletos informativos cos pasos a seguir, coma este:




Seguimos reciclando! 

lunes, 18 de diciembre de 2017

Novas socias na cooperativa

Dende finais de verán, a plantilla de Mulleres Colleiteiras  modificouse coa entrada de Violeta e Soraya como novas socias traballadoras. Estamos moi ilusionadas e con ganas de traballar, posto que cada comezo supón unha aprendizaxe nova.


Moita forza e ánimo nesta nova andaina rapazas!